Hér er Akureyrin EA 110 einn alflottasti skuttogari sem siglt hefur við Islandstrendur að mínum dómi Upphaflega hét hann Stella Kristína og var gerður út frá Færeyjum ásamt systurskipinu Stella Karína.en báðir voru þeir fluttir inn til landsins árið 1972 en smíðaðir í Syvíkgrend í Noregi árið 1968.Þessi bar lengst af nafnið Sléttbakur EA og var í eigu ÚA sálauga sem var eitt best rekna útgerðarfélag landsins til margra áratuga togarinn var lengdur og breitt í frystitogara árið 1987.En hvað um það fallegur er hann.
Við stórbrytinn á Frá erum búnir að vera að henda í hvorn annan í gegnum árin hvor okkar verði nú fyr hífður í land enda eini séns útgerðarinar að losna við okkur frá borði. Enda erum við báðir búnir að starfa hjá útgerðini í fjölda ára kokkurinn í 27 ár og vélstjórinn í 28 ár. Þú verður hífður í land á undan öskraði kokkurinn eitt sinn á vélstjórann árið 1987 og vélstjórinn öskraði á kokkin árið 1989 þú síngur betur en þú eldar þú verður sko hífður í land á undan helv,,,þitt. Hoppaðu upp í rassgatið á þér svarar kokkurinn þú mannst öll bátanúmmer en gleymir strax ef þú er beðin að laga fyrir mig eldhúsvaskinn, og snaginn fyrir handklæðið er búin að vera brotinn í 6 mánuði þú verður sko hífður á undan mér í land bullandi einhver helvítis bátanúmmer alveg kolruglaður sagði kokkurinn og kisstu svo Oddfellow hringinn minn sagði kokksi og rétti fram hendina. þú ert bara drullusokkur og verður það alltaf. En aftur að núinu í gærkvöldi vann Vélstjórinn þetta áratuga gamla veðmál því blessaður kokkurinn fótbrottnaði við skyldustörf sín í borðsalnum kokksi var með fangið fullt af frostnum hamborgurum hann missti einn og í veltingnum sem var í gær að þá steig blessaður kallinn ofan á beinfrosinn borgaran og smurðist aftur fyrir sig í gólfið og lá þar óvígur á eftir með löppina langt út á hlið. Við hífðum strax trollið og sigldum neyðakeyrslu í land, og þar beið okkar sjúkrabíll á bryggjuni. Svo af kokkinum er það að frétta að hann verður sendur suður til RVK og fer hann þar undir hendur sérfræðinga og ber hann sig bara vel enda harður af sér blessaður.
Hér liggur kokksi eftir að við vorum búnir að skorða hann af í ganginum frammí.
Hér er sjúkrafluttningamaður að undirbúa morfíngjöf áður en kallinn var fluttur í land. Áður en hann var sprautaður var kokksi spurður hvort hann hefði einhver ofnæmi, kokksi svaraði strax já fyrir Vinstri grænum og Samfylkinguni, svo fékk hann vænan skammt.
Eftir fyrstu sprautuna var hann spurður hvort þetta virkaði eitthvað, svarið var NEI svo hann fékk aðra og eftir það var vinurinn í gúddí fíling og sagði þessi seinni kom bara þræl vel inn og lygndi svo aftur augum með sælubros á vör.
Hér er vinurinn kominn út á lúgu og bíður hífingar, Takið eftir hvað það er bjart þarna niðri sennilega er það vegna glampans sem myndast þarna á höfði eins skipverjans en hver er maðurinn ?
Þarna er málinu lokið varðandi veðmálið mikla Dúllan hífð í land, og sögðu áhafnarmenn að vélstjórinn hafi unnið enda löngu orðnir þreittir á þessum eilífu þrætum þeirra félaga um borð.
Stýrimaðurinn áhyggjufullur á svip enda hugsar hann þarna " Nú fæ ég ekkert gott að éta " Svei mér þá ef Sigmar Þröstur er ekki bara orðinn hjólbeinóttur af áhyggjum,
Svo hvarf kokksi sjónum okkar. Það skal tekið fram hér að þessi færsla er gerð með fullu samþykki bæði kokksa vélstjóra og stýrimannsins, vonum við bara að Júlli nái sér fljótt og vel.
Framhaldsagan um kokkinn og vélstjórann sem hafa verið í veðmáli í bæði góðu og íllu um borð í Frá í rétt tæp þrjátíu ár auðvitað vann vélstjórinn veðmálið eins og þessi mynd sýnir. Nánar um málið eftir miðnætti.
Hér eru myndir teknar fyrir utan Fiskiðjuna í einni aflahrotuni, húsið fullt af fiski og þá bara sturtað fyrir utan og svo unnið myrkrana á milli og hafðist engan vegin undan, En á þessum árum hvarflaði ekki að mönnum að slá af veiðum og fækka trossum í sjó, það bara þekktist ekki og sótt stíft á meðan hann gaf sig sá guli.
Nú eru uppi hugmyndir að gera Fiskiðjuhúsin að hóteli og er það gott mál ef af verður, það er ekki gott að sjá þessi stóru og miklu hús í niðurníðslu árum saman og það á einum besta stað í bænum.
Hér eru tvær gamlar af Gjafar VE 600 áður en hvalbakurinn var settur á hann, það er að segja hvalbakur no 2 því sá gamli orginal er þarna undir á næstu hæð fyrir neðan.
Nú þessa dagana er Dala Rafn VE 508 í skipalyftuni og á að mála skipið þó það líti nú bara vel út en Rabbi hugsar vel um skip sitt það má hann eiga. Það er svaka skrokkur á þessum Pólsku togskipum.
Við höfðum stutt stopp í gær þegar við komum inn til löndunar, ég skrapp um borð í hið nýja og glæsilega skip Heimaey og notaði tækifærið að mynda þarna um borð það var allt læst og enginn um borð svo þetta eru bara myndir teknar á dekkinu.
Gárungarnir hafa það á orði að það hafi skemmst siglingartæki í brúnni daginn sem þetta glæsilega skip kom til hafnar í fyrsta sinni, ástæðan hafi verið sú að grátur stjórnarformans Ísfélagsins hafi verið það mikill að það hafi allt farið á flot í brúnni. En annars er ömurlegt að hann skuli láta þetta út úr sér í kvöldfréttum sjónvarpsins þegar bæjarbúar voru á fullu við að fagna komu þessa glæsilega skips til heimahafnar. Betra hefði verið að þeir hefðu bara haft þetta fyrir sig svona alla vega fyrsta daginn. Og merkilegt að ekkert var rætt við skipstjórann um skipið sem var að koma úr 3 vikna siglingu frá Chile
Þetta er alveg ný kynslóð af brú og hefur maður ekki séð þetta áður svona nema á mynd af þessum stóra Norska Líbas mynnir mig að hann heiti.
Látum þetta duga í bili en kem með aðra syrpu af Heimaey síðar.
Tók þessar 1980 og eitthvað af Beiti NK 123 þar sem hann var á austurleið út af Vík í Mýrdal.
Þarna er hann enn líkur upprunalega lúkkinu sem Þormóður Goði RE 209 ef litið er framhjá yfirbygginguni og skutnum. En hann var yfirbyggður sem Óli Óskars RE 175. og skuturinn kom á eftir að hann var seldur til Norðfjarðar.
Er þá ekki upplagt að koma með eina af elsta nótaskipi flotans Sigurði VE 15 en hann er rúmmum mánuði eldri en systurskipið Víkingur AK 100. Við sleppum Lundey NS alveg í þessu enda lítið eftir í henni sem var gamla í Narfa RE 13. Hann er vel smelltur þarna sá gamli í blíðuni.
Hér er flott mynd frá Sölva Breiðfjörð af 2407 Hákoni EA 148 en hann var smíðaður í Chile árið 2001 en hann ásamt Huginn VE 55 og Ingunni AK 150 voru yngst allra uppsjávarskipa landsins áður en Heimaey VE 1 kom í gær, nú er það stóra spurningin verður hún seld úr landi aftur eins og kom fram í fréttum sjónvarpsins í gærkvöldi og haft eftir stjórnarformanni Ísfélagsins um leið og búið var að binda hið nýja skip við bryggju.
Sumarið 2009 myndaði ég þessar leifar af þessum tveimur gömlum fiskibátum í Stykkishólmi. Sökum forvitni minnar langar mér að vita hvaða bátar þetta voru á sínum tíma og leita því til ykkar, ef einhver sem sér þetta og veit eitthvað um málið þætti mér vænt um að fá einhver svör um það hér eða bara á E mailið mitt.
Hér siglir Heimaey VE 1 inn á Vestmannaeyjahöfn í hádeginu í dag, Þar sem ég er á sjó þessa stundina að þá hjóp Sölvi Breiðfjörð undir bagga með mér og þakka ég honum liðlegheitin.
Höfundur er að mestu alinn upp á bryggjunum og var oft líflegt þar.Hef alla tíð haft mikinn áhuga á bátum og skipum og hef alla tíð verið til sjós og hóf mína fyrstu vertíð árið 1974 síðastliðin 26 ár hef ég starfað sem yfirvélstjóri á Frá VE78.
